ساعدوني جهازي الps3 احترق ...

11-19-2007, 09:14 PM

السلام عليكم ورحمة الله وبركاته ...
الصراحة مادري وش اقولكم ..
عندي مشكلة وهي انه كان عندي ps3 العب فيه اوكيه وبدون مشاكل .. وفجاة اضطريت اني ابدل مكان لعبي من غرفة لغرفة ..
المهم .. انا لما بدلت للغرفة الثانية .. اول ما حطيت واير الكهربا في البلاك .. اشوف الليت الاحمر للسوني يطفي ويولع بشكل مخيف .. انا خفت وسحبت الواير .. وبعد فترة رديت وحطيت نفس الواير في نفس البلاك .. وشفت الليت الاحمر وحصلته اوكي .. وكانه عادي .. واول ما جيت افتح السوني .. الا و احصله يشوت ويقفل مرة وحدة .. ومن بعد ذلك .. السوني حقي ما طاع يشتغل .. بدلت البلاك .. وبدلت الواير .. وفتحت السوني نفسة وشفت مكوناته من الداخل ... ولا في فايدة ..
فياللي عنده خبره في التصليحات .. ياليت ما يبخل علي .. لاني وبالصراحة متوهق وماني عارف ايش اسوي ..

11-19-2007, 09:59 PM

وحداوي

اممممممممممممممممممم اكيد له ضمان راجعهم يمكن يغيروه لك ولا يزبطونه لك

<<<< مالها بهالضغلات لكن استجابة لك خشيت ومعوض خير يا دب

11-20-2007, 07:25 PM

هلا اختي ام شهد ...
المشكله اختي ان السوني حقي ما يغطيه الضمان ... لانه مهرب ..
وشكرا لك على النصيحة ..

11-23-2007, 12:59 AM

معليش اسفه ماني من عشاق السوني ..لكن راح اسال اخواني ان افادوني بشيء لي عوده ..

دمت بود..

11-23-2007, 01:01 AM

معليش اسفه لأن ماني من عشاق السوني..لكن راح اسال اخواني ان افادوني بشيء لي عوده..

دمت بود..

11-23-2007, 07:32 AM

اوكي غزال الريم .. خذي راحتك ..
انا ماني مستعجل .. لان العطل احسة ما بيتصلح ..
شكرا لك على المساعد .. ^_^

11-27-2007, 01:55 AM

وحداوي

والله مدري وش اقلك

لكن بصراحه ماعرف وش السبب في خرابه

لكن ليش ماتوديه لاي محل يشوف وش فيه؟

اسفه على عدم افادتي لك

تقبل تحياتي لك

11-27-2007, 11:36 AM

هلا اميرة الحب .. ^_^
ما عليك .. انا والله للحين احاول احصل فرصه اروح لمحل ..
لانه عن صدق عندي ضغط .. من دراسة وامتحانات .. وما عندي ذيك المواصلات ..
وفرحني مرورك .. اتمنى اشوفك كل يوم في المنتدى ..
وشكرا ..

11-29-2007, 06:40 AM

وانا اقول ليش ما اشوفك ..

على العموم عندنا وعندك خير إنت جهازك محترق وانا ما فيه أمل أدخل شريط رسستنس ما ادري ليييييييييييييش كل ما دخلت ألعب اونلاين يعطيني نيتورك فيلد مع إنو الـ PS3 شابك اونلاين ولا يفصل معي بس في اللعب يفصل ولا ادري وش السبب ما نقول إلا الله يعين وبس .

اخوي وحداوي أنصحك إذا زان جهازك إنك تستخدم منظم الكهرباء عشان لو كان في زياده ولا نقص في الكهرب ما يضر الجهاز والمنظم إلي عندي نوعه STAK ياباني وسعره تقريباً في حدود الـ 200 ريال وخذ موديل ST500W4 وإن شاء الله إني أكون أفدتك ونتقابل اونلاين .

11-29-2007, 07:11 AM

تسلم على النصيحة اخوي السوداني ..
وان شاء الله اول ما اصلح السوني حقي .. بسوي نصحتك .. وبلعب معك اون لاين ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

[ إعـــــلانات ]