من بين مجموعة من قصايد قديمة عندي أخترت لكم هالقصيدة . . وسبب أختياري لها هي بالذات
ليس كونها تتميز في شيء أبداً .. أخترتها لأنها فقط هي " الأقرب الى قلبي " وإليكم القصيده ..
قالت : يمين أني فلا أنساك يا فلان = يبقى غلاك بداخل القلب مصيون
ما أنساك لو عنوّا لي الشمس بعنان = ولو جمعوا نجم السماء وسط ماعون
ولو يفرشون الأرض لؤلؤ ومرجان = ولو جمعوا لي مال كسرى وقارون
ولو صفت المخلوق أنسه مع الجان = ما أبدلك لو بدلوني بهالكون
أشري غلاك وشوفتك بأغلى الأثمان = وأبيع من شانك هلي لو يعيّـون
علي يمين وبايق العهد خوّان = ما خون لو كل البشر بك يخونون
قلت : أدري أنك مخلصٍ لي وشفقان = وأنا بحبك حيل مغرم ومفتون
أنا قطعت عهود وأحلاف وأيمان = على شهادة حبك الختم مضمون
حتى يلو جوا يازنونك بميزان = تتعب يدين اللي لفوني يكيلون
ثقل الطوال وضلع سلمى ورمان = ونامر وأجاء بكذا الكيل موزون
شأنك وشأن الخلق زودٍ ونقصان = الزود فالك والبشر عنك في دون
ولو تنزل جيوش التحالف أبّرزان = ودرع الجزيره يعلن الحرب والكون
ولو هتلر النازي غزاني بالألمان = والجيش الأحمر قلت أنا يا الله العون
بصمد ويبقى مجلس الأمن حيران = وكوفي عنان وشلّـتـه جوا يزورون
يقول جيناكم وجاهه على شان = نبي كفيّا الشر تكفون تكفون
وعلمي بهم يوم أنكفوا قبل الأذآن = وأشوفهم مثل الدبش يوم يمشون
" أهـون علي الموت من يوم حرمان = ولا أعيش بغيـبـتــك يـوم مـحــزون"
وتحياتي للجميع ،،،
04-06-2008, 01:19 AM
مـا أنــســــــــــاك . . !! 
.gif "(165)")
.. !
العرض العادي
