مساكم الله بالخير

قصيده اعجبتني وحبيت انكم تقروها معي
لا تقفل الباب
يا صاحبي راجيك لا تقفل الباب
لا تزيد هم(ن) ما لنا فيه حيله

اهز روحي كني الحر لا انصاب
يبغى يطير ولا لقاله وسيله

في راس كتفه غايرن مخلب عقاب
ولا عادت الجنحان تقدر تشيله

والدمع لولا جفون عيني والاهداب
كان اغرق الخدين يا ذيب سيله

الشمس غابت والقمر مثلها غاب
وقضيت في بحر التعاسات ليله

تلعب بي الامواج والهم غلاب
وتزيد لا عدلت ميله بميله

في بحر(ن) يحير ذكيين الالباب
من ذاق منه ضاع عنه دليله

بحر الهموم اللي لها مخلب وناب
بحر(ن) قبل يقتل يعذب قتيله

يا هم لو ذليت عطران الاشناب
وش تستفيد الا الخز ى والفشيله

ليتك على الرديان يا هم تنساب
اللي يديهم بالمواقف بخيله

يالله يا من شتت جموع الاحزاب
الواحد اللي كلنا نلتجيله

فرد(ن)صمدعالم خفيات الاسباب
في ذمتي ما انضام منهو دخيله

تغفر لمن جرحه من الهم ما طاب
تبكي عيونه لك وترجي ذليله
وسلامتكم
هذي القصيده للشاعر علي الزبداني
ان شاء الله تنال استحسانكم
majeda al_khateeb